09-12-08
Eksportet shqiptare po vijnë gjithnjë në rritje. Sipas të dhënave të Drejtorisë së Përgjithshme të Doganave, në pesë muajt e parë të vitit, gjatë periudhës janar - maj eksportet shqiptare në sasi u rritën me 10 për qind të volumit në total. “Gjatë kësaj periudhe është realizuar një volum mallrash prej 658 037 ton, krahasuar me 600 630 ton të së njëjtës periudhë të një viti më parë”, thanë burimet zyrtare. Si vlerë eksportesh gjatë 5-mujorit është realizuar një volum prej 48 019 milionë lekë, me një rritje prej 16 për qind më shumë, krahasuar me 5-mujorin e parë të vitit të kaluar, kur u realizuan vetëm rreth 41 422 milionë lekë eksporte. Sipas specialistëve të Bujqësisë, rritja e kërkesës për mallrat shqiptare është e lidhur edhe me faktin se prodhimet bujqësore shqiptare janë natyralisht të pastra. “Vetëm 25 kg për hektarë plehra kimike përdoret sot në Shqipëri, në një kohë kur në Europë ky përdorim shënon 155 kg për hektar”, thanë burime nga Ministria e Bujqësisë. Orientimi i fermerëve drejt tregut të huaj, përmes bujqesisë organike, përbën një ndër drejtimet kryesore, me të cilat ata mund të sigurojnë të ardhura të mira. Sipas specialistëve, Shqipëria i ka të gjitha mundësitë për t’u bërë shpejt eksportuese e produkteve organikisht të pastra. Përbërësit kryesore të këtij avantazhi janë mjedisi rural i pastër, me përdorim gati të papërfillshëm të plehrave kimike.
“Viti 2007, ndonëse vit tejet i vështirë bujqësor për gjithë botën dhe Shqipërinë për shkak edhe të thatësirës së tejzgjatur, në Shqipëri shënoi shtim të prodhimit bujqësor dhe për pasojë ulje çmimi për shumë produkte. Përjashto orizin, sheqerin, vajin e ndonjë produkt tjetër që nuk është prodhuar e nuk do të prodhohet kurrë në Shqipëri, shumica e produkteve të tjera ka ulje çmimi për shkak të shtimit të prodhimit”, thuhet në raport.
Ministria e Bujqësisë publikon statistikat për vitin e kaluar:Importuam 315 tonë grurë
Shqipëria importon gjysmë miliardë USD ushqime, konsumon 4 miliardë USD
Shtimi i prodhimit vendas ka ulur një pjesë të çmimeve të ushqimeve. Duke analizuar të dhënat statistikore të vitit të kaluar specialistë të Ministrisë së Bujqësisë bëjnë me dije se prodhimi shqiptar është gjithnjë e më shumë në treg, përveç mallrave të importuara. Por gjithsesi importi i grurit mbetet në shiffra të larta. Vetëm 250 mijë tonë ëstë prodhuar në vend, ndërsa 315 mijë tonë kanë ardhur nga jashtë. Sipas specialistëve, më shumë se 50 për qind e nevojave për perime dhe produkte të tjera bujqësore plotësohen nga fermërët shqiptarë, madje edhe me çmime më të ulëta. Veç produketeve si vaji, sheqeri dhe orizi që nuk mund të prodhohen kurrë në vendin tonë, pjesa tjetër është prodhim vendas. Madje, vetëm 500 milionë dollarë është vlera, sipas Ministrisë së Bujqësisë për importin e ushqimeve për 2007-ën, ndërsa 4 miliardë dollarë ushqime që konsumohen në vend plotësohen nga prodhimi vendas.
Raporti
Këto analiza statistikore sipas specialikstëve të Ministrisë së Bujqësisë vërejnë se prodhimi vendas është ai që bën ndryshimin në situatën e krizës botërore. Publikimi i këtij vjetari statistikash rrëzon panikun artificial të krijuar. “Viti 2007, ndonëse vit tejet i vështirë bujqësor për gjithë botën dhe Shqipërinë për shkak edhe të thatësirës së tejzgjatur, në Shqipëri shënoi shtim të prodhimit bujqësor dhe për pasojë ulje çmimi për shumë produkte. Përjashto orizin, sheqerin, vajin e ndonjë produkt tjetër që nuk është prodhuar e nuk do të prodhohet kurrë në Shqipëri, shumica e produkteve të tjera ka ulje çmimi për shkak të shtimit të prodhimit”, thuhet në raport. Të dhënat në raport tregojnë se prodhimi i grurit ishte vetëm 250 mijë ton ndërsa jaën importuar 315 mijë ton. Gjithsesi ky prodhim parashikohet të jetë në rritje. “Në vjeshtë 2007 janë shtuar sipërfaqet e mbjella me grurë me 20 mijë ha dhe janë të pambjella 50 mijë ha tokë që është djerrë”, thuhet në raport. E njëjta situatë edhe me prodhimet etjera bujqësore. “Krahasuar me pak vite më parë, përmirësimi është i ndjeshëm. Nëse në vitin 2002 kemi prodhuar vetëm 60 mijë ton fruta pa ullirin, në vitin 2007 janë prodhuar dy herë më shumë, 120 mijë ton”, thuhet në raport.
Prodhim 100% shqiptar
Fermerët shqiptarë kanë nisur të investojnë gjithnjë e më shumë edhe për shtimin e sipërfaqeve të serrave. “Vetëm sipërfaqet e serave me ngrohje janë rritur gati dy herë në 2007 krahasuar me vitin 2005”, thuhet në raport. Numri i pemëve frutore në dy vitet e fundit është rritur me 31 për qind, i ullinjve me 11 për qind dhe i vreshtave me 14 për qind. “Ndërkohë, në vitin 2007 janë prodhuar në vend më shumë se 2.5 milionë fidanë drufrutorësh dhe hardhish, dy herë më shumë se një vit më parë”, theksojnë ekspertët. Kjo ka dhënë mundësi në shtimin e mbjelljeve dhe në pak vite më vonë, të shtimit me ritme më të mëdha të prodhimit të këtyre produkteve.
Blegtoria
Shqipëria ka më shumë krerë se Kroacia, Bosnjë-Hercegovina, si dhe dy herë më shumë se Maqedonia, gjë që favorizon edhe plotësimin e nevojave të tregut vendas me mish. “Sipas të dhënave statistikore të Ballkanit Perëndimor, numri i të imtave tek ne është më i madh se numri i tyre në Serbi, Kroaci, Maqedoni dhe Mal i Zi të marra së bashku. Ky është potencial i madh qe ne duhet ta mbështesim e administrojmë më mirë”, thuhet në raport. Në këtë drejtim, prodhimi i mishit llogaritet rreth 75 mijë ton dhe importi i tij ishte 22 mijë ton, vitin e kaluar. “Sallame e proshuta të prodhimit vendas janë 9 mijë ton, përkundrejt 4 mijë ton të ardhura nga importi, si dhe djathë i vendit rreth 13 mijë ton, përkundrejt 1.5 mijë ton të importuara”, thuhet në raport. Sipas specialistvëe këto të dhëna e rrëzojnë mitin e rrënimit të prodhimit vendas, siç ndërkohë, pesha e lartë e disa artikujve të importit ka vend të përmirësohet ndjeshëm. Pellgjet më të mëdha bujqësore janë Lushnja, Berati, Fieri, Shkodra, Korça, Dibra ku prodhimi vendas është 100 për qind vendas dhe i “padiskriminuar” nga importet e ushqimeve. Blegtoria u vlerësua nga Ministria e Bujqësisë si një nga sektorët më të rëndësishëm që ka zënë rreth 49 për qind të prodhimit të përgjithshëm bujqësor, ku rol të rëndësishëm zë industria e qumështit, e cila përfaqësohet me rreth 500 linja përpunimi dhe 10 fabrika moderne, me shtrirje pothuajse ne te gjithë vendin.
|
